Өзін-өзі тым қатты жақсы көретін адамдар сыйлық беруге бейім келеді – зерттеу
Жақында Journal of Personality журналында жарияланған зерттеуде нарциссизмнің екі түрі сыйлық беру ниетіне қалай әсер ететіні туралы мәліметтер айтылады.
Ғалымдар нарциссис адамдардың сыйлық беруге көбірек бейім екенін анықтады. Олар әлеуметтік байланыстарды нығайтып, өзін жоғары көрсетуді мақсат етеді. Ал нарциссистік бәсекелестігі жоғары адамдар сыйлық беруден бас тартатыны белгілі болды.
Зерттеу 18-35 жас аралығындағы 1 800 ерікті қатысқан үш кезеңнен тұрған. Нәтижелерге сәйкес, нарциссистік тамсану тұлғасы бар адамдар сыйлық беруге көбірек бейім болса, нарциссистік бәсекелестік тұлғасы барлар сыйлық беруден қашқақтайды.
Ғалымдар бұл мінез-құлықты тұлғалық ерекшеліктердің, әсіресе нарциссизмнің, сыйлық беру мотивацияларына әсерін зерттеу арқылы түсіндіруге тырысты. Нарциссизмнің екі түрінің ерекшеліктері — біріншісі өзімшілдіктен, екіншісі басқаларды төмендетуден көрінетінін анықтады.
Бұл зерттеу сыйлық беру мотивациясын тереңірек түсінуге мүмкіндік береді және нарциссизмнің бұл процеске қалай ықпал ететінін көрсетеді.
