Ерлікпен қаза тапқан Ғазиз Байтасовқа арналған бейнебаян жарық көрді
Құқық қорғау органдары қызметкерлерінің арасында Халық қаһарманы атағын алған алғашқы әрі жалғыз адам ретінде де құрметпен аталады.
Халық Қаһарманы Ғазиз Байтасовқа арналған бейнебаян жарыққа шықты, деп хабарлады turkystan.kz.
Ғазиз Байтасовқа арналған бейнебаяндағы ән мен сөзінің авторы, орындаушы: Жамбыл облысы Полиция департаменті Т.Рысқұлов аудандық Полиция бөлімінің кәмелетке толмағандар істері жөніндегі полиция инспекторы, полиция капитаны Ниязқұлова Гүлжан Абдрасилқызы.
Халық қаһарманы, полиция капитаны Ғазиз Байтасов 2011 жылы Тараз қаласында қауіпті террористі ұстау кезінде ерлікпен қаза тапқан болатын. 2021 жылы Батырдың туған күніне орай, «Жеңіс» саябағында Ғазиз Байтасовқа арналған ескерткіш ашылған. Оның есімі құқық қорғау органдары қызметкерлерінің арасында Халық қаһарманы атағын алған алғашқы әрі жалғыз адам ретінде де құрметпен аталады.
Тараз қаласында ашылған бұл ескерткіш азаматтардың қауіпсіздігі жолында қаза тапқандарға жасалған тағзым екенін жеткізеді.
