Шымкентік полицей көпірден секірмек болған қызды құтқарып қалды (ВИДЕО)

Шымкентте полицей адам өмірін сақтап қалды, деп хабарлады turkystan.kz.

Оқиға кеше түнде Шымкентте болды. Кездейсоқ куәгер полицияға көше қиылысындағы көпірден секіргелі жатқан қыз туралы хабарлады.

 Аталған жерге бір жарым минут ішінде патрульдік инспектор Мейіржан Барат жетті. Тәртіп сақшысы көпір қоршауынан шығып тұрған қызды бірден ұстап алып, қауіпсіз жерге шығарды.

– Қуанышқа орай, мен жақын жерде болдым. Үлгердім. Оқыс оқиға болмады. Бұл – менің міндетім, – деп қысқа қайырды офицер.

Қазіргі таңда тұрғынның өмірі мен денсаулығына қауіп төніп тұрған жоқ.