Көршілес елдерде қылмыс жасаған шетелдіктер Қазақстанда жасырынған

Еліміздің аумағында шет елдерде іздеуде жүрген 642 күдікті ұсталды.

Көршілес елдерде қылмыс жасаған шетелдіктер Қазақстанда жасырынған
Polisia.kz
167

ІІМ криминалдық полиция департаментінің қызметкерлері көршілес мемлекеттерде іздеуде жүрген шетелдік күдіктілерді ұстады.

Полиция ақпаратынша, Түркістан облысында Ресей Федерациясының Самара қаласында 2023 жылдың сәуір айында өзінің танысын өлтіргені үшін іздеуде жүрген Тәжікстан Республикасының азаматы ұсталды. 2023 жылдың қазан айынан бері іздеуде болған.

Алматы облысы Қаскелен қаласында 2021-2023 жылдар аралығында Ташкент облысында көппәтерлі үйлерді жөндеу барысында жалған құжаттарды ұсыну арқылы алаяқтық жолмен 180 млн 476 мың сом қаражатын иемденген Өзбекстан Республикасының азаматы ұсталды. 2023 жылдың қараша айынан бері іздеуде болған.

 Алматы қаласында Бішкекте өзінің өгей қызын зорлағаны үшін 47 жастағы Түркия Республикасының азаматы ұсталды. Қырғыз Республикасының құқық қорғау органдарымен іздеуде болған.

Қызылорда қаласында 2022 жылы Ресей Федерациясының Сочи қаласының тұрғынынан алдау арқылы 1 млн ресей рублін алып, өз қажеттілігіне жұмсап жіберген 30 жастағы Ресей Федерациясының азаматы ұсталды. Осы жылдың сәуір айынан бастап іздеуде болған.

Қабылданған шаралар нәтижесінде ІІМ қызметкерлері іздеуде жүрген 1495 күдіктіні ұстап, 1000-нан астам хабар ошарсыз кеткен азаматтың жүрген жерлерін анықтады. Сондай-ақ еліміздің аумағында шет елдерде іздеуде жүрген 642 күдікті ұсталды.

Серіктес жаңалықтары