Ресейде "ІТ саласына еңбегі сіңген қызметкер" атағы пайда болуы мүмкін
Қауымдастықтың мәліметінше, қазір ресейлік бағдарлама әзірлеушілер ауқымды жұмыс атқарып жатыр.
Ресейде ІТ саласына үлес қосқан мамандарға "ІТ саласына еңбегі сіңген қызметкер" атағы берілуі мүмкін. Бұл ұсынысты "Отечественный софт" бағдарламалық өнімдер әзірлеушілерінің қауымдастығы Ресей үкіметіне жолдаған.
Қауымдастықтың мәліметінше, қазір ресейлік бағдарлама әзірлеушілер ауқымды жұмыс атқарып жатыр. Пайдаланушылардың кері байланысын ескере отырып, және Ресей Федерациясының қауіпсіздік туралы заңнамасының талаптарына сәйкес жұмыс жасайды. Осыған байланысты АРПП саланың көшбасшыларын материалдық емес түрде ынталандыру мақсатында «Ресей Федерациясының еңбек сіңірген ақпараттық технологиялар қызметкері» атағын енгізу маңызды деп санайды.
Сондай-ақ, АРПП үкіметке отандық ІТ-шешімдерге тәуелсіздікті қалыптастыруға бағытталған ұсыныс жасады. Бұл мақсатта Ассоциация ірі компаниялардың топ-менеджерлері мен билік өкілдерінің тұрақты кездесулерін өткізіп тұруды ұсынды, онда бизнес өздерінің ресейлік негізгі және қолданбалы бағдарламалық қамтамасыз етуге көшу тәжірибесімен бөлісетін болады.
Ассоциация түсіндіргендей, 2030 жылға дейінгі ұлттық даму мақсаттары бойынша Ресейдің негізгі экономикалық салаларының кемінде 80%-ы негізгі өндірістік және басқару процестерін қамтамасыз ететін жүйелерде отандық бағдарламалық қамтамасыз етуді пайдалануға көшуі керек.
