Шавкат Рахмонов бапкеріне көлік сыйлады (ВИДЕО)
Шавкат аталған көлікті тізгіндеп апарып, кілтін жаттықтырушысына табыстаған.
Жеңіліп көрмеген қазақстандық файтер Шавкат Рахмонов (18-0) бас бапкері Баян Жанғаловқа көлік сыйлады, деп хабарлады turkystan.kz сайты Sports.kz-ке сілтеме жасап.
Шавкат аталған көлікті тізгіндеп апарып, кілтін жаттықтырушысына табыстаған.
Былғары қолғап шебері Шавкат Рахмонов тренері Баян Жанғаловтың жетекшілігінде ММА бойынша әлем чемпионы атанса, M-1 Global лигасында чемпион титулын жеңіп алған.
Дивизионның жаңартылған тізімінде «Номад» лақап атымен танымал қазақстандық спортшы үшінші орында тұр. Оның алдында Белал Мұхаммад (2-орын), Камару Усман (1-орын) және чемпион Леон Эдвардс орналасқан. Колби Ковингтон бесінші орынға сырғыды.
Еске салсақ, бұған дейін Лас-Вегастағы (АҚШ) T-Mobile аренасында өткен UFC 296 турнирінде Шавкат Рахмонов екінші раундта америкалық Стивен Томпсонды тұншықтыру әдісімен жеңді. Кештің басты айқасында Леон Эдвардс Колби Ковингтонды төрешілердің бірауыздан қабылдаған шешімімен ұтты.
