Елімізде қоғамдық орындарда діни киім киюге тыйым салынуы мүмкін

Депутаттың айтуынша, тиісті заң жобасы алдағы сессияда Парламентке енгізіледі

Елімізде қоғамдық орындарда діни киім киюге тыйым салынуы мүмкін
istockphoto.com

Бұл туралы Мәжіліс депутаты Ермұрат Бапи айтты, деп жазады turkystan.kz nege.kz-ке сілтеме жасап.

Бапидың айтуынша, қоғамда діни киім киюге тыйым салу мәселесі туындап отыр.

Қазір біз үшін ең маңызды мәселе - еліміздің ұлттық мүддесін, ұлттық дәстүрін, ұлттық мәдениетін сақтау. Ал қазіргі жағдайға қарасақ, қоғамда қара киінген қазақтар көбейді. Бұл жағдай болашақ ұлттық мүддемізге елеулі зиян тигізеді, – деді мәжілісмен. 

Депутаттың айтуынша, тиісті заң жобасы алдағы сессияда Парламентке енгізіледі.

Сондықтан біз, депутаттар тобы, осындай заң жобасын дайындадық. Ол күзгі сессияда Парламентке ұсынылады. Менің ойымша, хиджаб, никаб және қоғамда басқа да діни киімдер кию туралы мәселе заңды қабылдағаннан кейін шешіледі. Сонда бәлкім, діни киім кию мәселесін қалай да реттейтін шығармыз, – деп түйіндеді ол.