Жоғары оқу орнына түсуге қажетті шекті балл жарияланды

2024 жылы «Ауыл шаруашылығы және биоресурстар» және «Ветеринария» білім беру саласы бойынша шекті балл өзгерді.

Жоғары оқу орнына түсуге қажетті шекті балл жарияланды
istockphoto.com

Қазақстанда ҰБТ нәтижесі бойынша жоғары оқу орындарына түсуге арналған шекті балдар жарияланды, деп хабарлады turkystan.kz сайты Ұлттық тестілеу орталығына сілтеме жасап.

Ұлттық тестілеу орталығының Telegram-дағы ресми арнасында құжат жариялады. Талапкерлер құжаттан жоғары оқу орындарына түсуге қажетті ең төменгі шекті балдармен таныса алады.

«Мысалы «Математика мұғалімдерін даярлау» мамандығы бойынша грантқа Академик Е.А. Бөкетов атындағы Қарағанды университетіне түсу үшін кемінде 77 балл жинау керек болса, Л.Н.Гумилев атындағы ЕҰУ-не 110 балл, SDU University-не 120 балл қажет», - дейді Ұлттық тестілеу орталығының мамандары.