460
Маңғыстау облысында жол апатынан 2 жасөспірім мерт болды
Оқиға Түпқараған ауданы Ақшұқыр ауылында таңғы сағат 05:40 шамасында болған
![Маңғыстау облысында жол апатынан 2 жасөспірім мерт болды](https://turkystan.kz/cache/imagine/1200/uploads/resized-images/2024/06/1717853518.webp)
Маңғыстау облысында 4 оқушы мінген автокөлік бетон бағанаға соғылып, 2 жасөспірім қаза болды, деп жазады turkystan.kz облыстық полиция департаментіне сілтеме жасап.
Оқиға Түпқараған ауданы Ақшұқыр ауылында таңғы сағат 05:40 шамасында болған.
Апаттан Ақшұқыр мектеп лицейінің екі 9-сынып оқушысы қайтыс болды. Тағы бір оқушы ауруханаға жеткізілген. Енді бірі медициналық көмек қажет болмай, үйіне жіберілген. Олар да 8-9 сыныпта оқитын жасөспірімдер.
Қазіргі сәтте осы оқиғаға қатысты қылмыстық іс қозғалды. Тергеу талабына сай, өзге мәлімет жария етілмейді.