Астанада жаңбырдан кейін Иманов көшесінде ылғи су тасиды
Елорда тұрғыны су басқан Иманов көшесін қатты жаңбырдан кейін серфинг тақтасымен жүзіп өтті, деп хабарлады turkystan.kz Ulysmedia.kz-ке сілтеме жасап.
Астанада жаңбырдан кейін Иманов көшесінде ылғи су тасиды. 7 маусымда да солай болды.
Қала тұрғындарының бірі серфинг тақтасымен жолды жүзіп өткен. Оған таңдана қараған адамдар әрекетін видеоға түсіріп алған. Кадрлар әлеуметтік желіге тарап кетті.
Айыппұл салынбайтын шығар деп үміттенемін, - делінген жазбаларда.
Еске сала кетейік, 7 маусымда Астанада қатты жаңбыр жауып, елорданың бірқатар көшесінде су тасыған. Қаланың кей ауданында бұршақ жауды.
