Қазақстанға келетін мигранттар саны көбеюде

Дүниежүзілік даму банкінің хабарлауынша Қазақстанға Орталық Азия мен ЕЭО құрамындағы мемлекеттерден мигранттар көптеп келеді.

2010 жылы елімізге келген ресейлік жұмыскерлер саны мыңға жуықтаса, белорустар саны бар-жоғы 50 адамды құраған. Бүгінде Ресейден келгендер мигранттар саны 7 мыңға жуықтаса, белорустар саны 500-ді құрап отыр. Сонымен бірге, Қазақстанға келетін еңбек мигранттарының тағы біразы Өзбекстан мен Қырғызстаннан келетіндігі де анықталып отыр. Олардың саны ресми деректер бойынша, 50 мыңға жуық. Жұмыскерлердің басым көпшілігі құрылыс (44,4%), тау-кен өндіру (13,4%) және өңдеу (5,4%) салаларына тартылған. Қазақстанда Қытайдан келген мигранттар да жұмыс жасайды.