Ақмола облысында полиция қызметкері мас күйде көлік жүргізген

Мас күйінде рульге отырып, көлік басқарған ақмолалық полиция қызметкеріне қатысты тәртіптік сипаттағы қатаң шара қолданылады, деп жазады turkystan.kz Ақмола облысы Полиция департаментінің баспасөз қызметіне сілтеме жасап.

Халық үні сайтының мәліметінше, мас күйінде рульге отырған полиция қызметкері жауапқа тартылған.

Қазіргі уақытта қызметтік тергеу жүріп жатыр. Соның қорытындысы бойынша тәртіптік сипаттағы қатаң шаралар қабылданатын болады, тіпті ішкі істер органдарындағы жұмысынан да қуылуы мүмкін, — деп түсіндірді ведомстводан.