Түркияның Сыртқы істер министрлігі Қазақстанда болып жатқан табиғи апатқа қатысты пікір білдірді.
Түркияның Сыртқы істер министрлігі Қазақстанның бірқатар өңіріндегі су тасқынына байланысты Түркия үкіметі қазақ халқына жан-жақты көмек көрсетуге дайын екенін мәлімдеді.
«Біз Қазақстанның бірнеше өңіріндегі су тасқынына қатты қайғырып отырмыз, бұл жағдайдан біздің ондаған мың бауырымыз эвакуациялануға мәжбүр болды, сондай-ақ елеулі залал келді.
Қазақстан халқы мен үкіметіне көңіл айтамыз. Түркия табиғи апаттан болған кез келген ауыртпалықты көтеруге дайын», - делінген Түркия СІМ мәлімдемесінде.
