Қазақстан мен Өзбекстан арасындағы тауар айналымы 600 млн долларға жақындады

Биылғы екі айдың қорытындысы бойынша да Қазақстан Өзбекстанның негізгі сауда серіктестерінің үштігінде қалды, деп хабарлады turkystan.kz inbusiness.kz-ке сілтеме жасап.

Өзбекстан Статистика агенттігінің мәліметінше, қаңтар-ақпан айларында елдегі сыртқы сауда айналымы 9,9 млрд долларға теңеліп, былтырғы кезеңмен салыстырғанда 10,5%-ға өсті.

Бүгінгі таңда Өзбекстан әлемнің 151 елімен сауда-саттық жасайды. Екі айдың қорытындысы бойынша, елдің басты сауда серіктері көшін Қытай бастап тұр. Екі мемелекет арасындағы тауар айналымы 2,1 млрд долларға (жалпы көлемнің 21,5%) жетті.

Одан кейінгі орында сауда-саттықтың 17,8% үлесі тиесілі Ресей тұр. Бұл елмен арадағы импорт-экспорт көлемі 1,76 млрд доллар болды.

Көшбасшылардың үштігін Қазақстан түіндеді. Біздің ел мен Өзбекстан арасындағы тауар айналымы 581 млн долларға (жалпы көлеменің 5,9%) жетті.

Көрсетіліп отырған кезеңдерде Өзбекстан Қазақстанға 166,2 млн доллардың тауарын экспорттап, 415,3 млн доллардың тауарын импорттаған.