1858
Жетісу облысында серуендеуге шығып, жоғалып кеткен ер адам табылды
Жоғалған адамның ұялы телефоны жоқ болғаны іздеуді қиындатқан
Жетісу облысында серуендеуге шығып, жоғалып кеткен ер адам табылды, деп хабарлады turkystan.kz Massaget.kz-ке сілтеме жасап.
Қаратал ауданының полициясына жергілікті тұрғын үйден серуендеуге шығып оралмаған ағасын іздеуде көмек көрсету туралы арызбен жүгінді.
Учаскелік полиция инспекторлары дереу іздеуді бастаған. Мән-жайды анықтау барысында жоғалған ер адамның 2-топтағы мүгедек екендігі анықталды. Жоғалған адамның ұялы телефоны жоқ болғаны іздеуді қиындатқан.
Жүргізілген ауқымды іздестіру іс-шараларының нәтижесінде Қаратал ауданының полицейлері жоғалып кеткен сәттен бастап бесінші күні оны тауып, туыстарына қайтарды.
