«Арнайы жаздырттым»: Төреғали Төрәлі жиеніне ерекше сыйлық тарту етті

Әнші Төреғали Төреәлі қарындасы Дина Төреәлінің ұлына ерекше сыйлық тарту етті, деп хабарлады turkystan.kz.

Дина Төреәлі баласына бесік той жасады. Әнші ағасы сапарда жүрсе де, құттықтап кіріп шығып, сыйлығын табыстаған.

«Ес білгелі домбыра ұстап жүрсек те, осы бір киелі аспапты ешкімге сыйламаппын. Жиенім Ерманбиге ерекше сыйлық бергім келді. Арнайы отандық шеберлердің қолынан шыққан ұлттық аспапты сыйлаймын. Аты-жөнін де арнайы жаздырттым. Жиен өскесін қолына алар. Оған дейін құдама беремін», – деді Төреғали Төреәлі.