911
Көкшетауда із-түзсіз жоғалып кеткен әйелге іздеу жарияланды
Әйел 6 ақпанда үйден кеткен.
![Көкшетауда із-түзсіз жоғалып кеткен әйелге іздеу жарияланды](https://turkystan.kz/cache/imagine/1200/uploads/resized-images/2024/02/1707979854.jpg)
Ақмола облысы ПД баспасөз мәліметінше, ақпанның 12-інде Марал Құттыбайқызы Әбуованың жоғалғаны туралы полицияға күйеуі келіп айтқан.
Анықталғандай, әйел 6 ақпанда үйден кеткен, содан бері туыстарымен байланысқа шықпаған. Өзімен бірге алтын әшекейлерін ала кеткен.
«Өтініш түскен күннен бастап полиция жоғалған әйелмен қарым-қатынаста болғандарды анықтап, көруі мүмкін деген адамдар мен көршілерінен сұрастырды. Сонымен бірге ол тұрған үйдің аумағындағы, орталық саябақ пен теміржол маңындағы бейнебақылау камераларының жазбалары тексерілді. Әзірге, әйелдің қайда екені белгісіз», - деді ведомстводан.
Осы ретте, тәртіп сақшылары жоғалған әйелді көрген немесе орналасқан жерін білетін адамдар болса, дереу полицияға хабарласуын сұрайды.