827
Теміртаудағы жарылыс: Бір әйелдің денесі табылды
Үйінді астынан табылған марқұм дүкеннің сатушысы болған.
Теміртаудағы жарылыстан кейін қирап қалған дүкен ғимаратының астынан бір адамның денесі табылды.
Таңғы 09:49 кезінде құтқарушылар үйінді астынан әйелдің денесін сыртқа шығарды. Жедел жәрдем бригадасы өлім фактісін растады, - делінген хабарламада.
Еске салсақ, бүгін таңертең Теміртауда қос қабатты дүкен ғимаратында газ жарылған болатын. Дүкен опырылып, өртенген.
Сағат 08:44 шамасында үйінді астынан әйел адам шығарылды.
ТЖМ сағат 09:08 кезінде өрт оқшауланғанын хабарлады.
Айта кетейік, үйінді астынан табылған марқұм дүкеннің сатушысы болған. Екінші зардап шеккен әйел — сауда жасауға келген қала тұрғыны. Қазір ол ауруханада жатыр.
