Қазақстанға вейптерді әкелуге және таратуға тыйым салынады

Сатқаны үшін ең жоғары жаза – 50 тәулікке дейін қамауға алу.

Қазақстанға вейптерді әкелуге және таратуға тыйым салынады
ашық дереккөз

Елімізде вейптерді әкелуге және таратуға тыйым салынады. Мәжіліс тиісті заң жобасын мақұлдап, оны Сенатқа жолдады.

Денсаулық сақтау мәселелері бойынша түзетулер тұжырымдамасынан тыс темекі өнімдерін тұтынуды шектеу нормалары да қарастырылған. Вейптерді әкелуге, өндіруге, сатуға және таратуға тыйым салынады. Олардың заңсыз айналымы үшін қылмыстық жауапкершілік енгізіледі: 

- сатқаны үшін ең жоғары жаза – 50 тәулікке дейін қамауға алу; 
- әкеліп, таратқаны үшін – 2 жылға дейін бас бостандығынан айыру; 
- ⁠қылмыстық топ жасаған не аса iрi мөлшерде жасалған, бiрнеше рет жасалған әрекеттер үшiн – 5 жылға дейiнгi мерзiмге бас бостандығынан айыру көзделген.

Сонымен қатар медициналық қызметкерлерге емделушінің жеке ерекшеліктеріне қарай емдеудің оңтайлы әдістерін таңдау мүмкіндігін беру үшін медициналық көмек көрсету кезіндегі міндетті клиникалық хаттамаларды қолдану алынып тасталады.