Сыртқы істер министрлігінің ресми өкілі Айбек Смадияров брифингте Қазақстан мен Сейшель аралдары арасындағы визасыз режим қазірдің өзінде күшіне енгенін айтты, деп хабарлады turkystan.kz zakon.kz сайтына сілтеме жасап.
Визасыз режим 6 қаңтардан бастап күшіне енді.
«Қазақстан мен Сейшел аралдары 2023 жылдың қыркүйегінде Нью-Йоркте визалық талаптардан өзара босату туралы келісімге қол қойды. Құжатқа БҰҰ Бас Ассамблеясының 78-сессиясы аясында ҚР Премьер-министрінің орынбасары - Сыртқы істер министрі Мұрат Нұртілеу мен Сейшел аралдарының Сыртқы істер және туризм министрі Сильвестр Радегонд арасындағы келіссөздер барысында қол қойылды», - деді Айбек Смадияров.