Өзінің SIM-картасын басқа біреуге бергендерге шара қолданылмақ
Министр орынбасарының айтуынша, шетелдік алаяқтар қазақстандық ұялы компаниялардың нөмірлерін қолдана бастады, бұл оларға біздің азаматтарымызға кедергісіз қоңырау шалуға мүмкіндік береді.
Әкімшілік құқықбұзушылық туралы Кодекс өздерінің абоненттік нөмірін үшінші тұлғаға берген қазақстандықтарға айыппұл салынатын тармақпен толықтырылмақ. Бұл туралы бүгін Мәжілісте Ішкі істер министрінің орынбасары Игорь Лепеха мәлімдеді.
Министр орынбасарының айтуынша, шетелдік алаяқтар қазақстандық ұялы компаниялардың нөмірлерін қолдана бастады, бұл оларға біздің азаматтарымызға кедергісіз қоңырау шалуға мүмкіндік береді. Ал бұл кейбір қазақстандықтардың сыйақы үшін электрондық SIM-карталарды өздеріне ресімдеуінің, содан кейін оларды алаяқтарға беруінің кесірінен болып отыр.
Осы уақытқа дейін абоненттік нөмірді басқа адамдарға заңсыз бергені үшін жауапкершілік болған жоқ, бұл азаматтар алаяқтарға кедергісіз көмектесуге мүмкіндік берді.
"Қазір бұл олқылық реттеліп жатыр. Әкімшілік құқықбұзушылық туралы кодекстің 637-бабы осындай әрекеттер үшін құқықтық жауапкершілікті көздейтін 18-тармақпен толықтырылады. Жеке тұлғалар үшін айыппұл 50 АЕК-ке дейін болады (2023 жылы 172 мың теңге) ", - деді Игорь Лепеха.
