Түркістан облысында дәрігерге шабуылдаған күдікті ұсталды, деп хабарлады turkystan.kz.
Сайрам ауданының Ақсукент кентіндегі жеке клиникада пациенттердің бірі ультрадыбыстық кабинетте кезекте тұрғанда жанжал шығарып, рентгенолог-дәрігерге пышақ жарақатын салды.
«Жәбірленуші ауруханаға жатқызылды. Оқиға орнына жедел-тергеу тобы шықты. ҚР ҚК 106-бабының 2-бөлігі «Денсаулыққа қасақана ауыр зиян келтіру» бойынша қылмыстық іс қозғалды», – делінген хабарламада.
Полиция ауданның 27 жастағы тұрғынын ұстады. Қазіргі уақытта ол уақытша ұстау изоляторына қамалды. Болған оқиғаның барлық мәнжайы анықталуда.