Қазақстан Ауғанстанға гуманитарлық көмек жіберді

Жер сілкінісінен зардап шеккен Ауғанстан тұрғындарына гуманитарлық жүк тиелген рейс жөнелтілді, деп хабарлады Төтенше жағдайлар министрлігінің баспасөз қызметі.

Ауғанстанға қолдау көрсету үшін мемлекеттік материалдық резервтен азық-түлік, шатырлар, киім-кешек және төсек-орын жабдықтары бөлінді, - делінген ведомство хабарламасында.

Министрліктің мәліметінше, жөнелтілетін гуманитарлық жүктің тізбесінде барлығы 1659 тонна көлемінде 13 тауар бар.

Дәрі-дәрмектер мен шатырлар Ұлттық гвардия ұшағымен жіберілді.