Күдікті тоғыз жыл бойы халықаралық іздеуде болған.
Бас прокуратура Ішкі істер министрлігімен бірлесіп, Сыртқы істер министрлігінің көмегімен Түркиядан қылмыстық жауапқа тарту үшін Қазақстан азаматын экстрадициялады.
«Ол құрылыс компанияларына тиесілі 1 млрд теңгеге жуық ақшаны жымқырған. Бұл қаражат әлеуметтік нысандарды, соның ішінде аурухана салуға арналған», - деп мәлімдеді Бас прокуратураның ресми өкілі Дархан Дүйсембай.
Күдікті 2014 жылдан бері халықаралық іздеуде болған. Қазір ол Астанадағы тергеу изоляторына қамалды.
Қазақстандық осы қылмысы үшін мүлкі тәркілене отырып, 5 жылдан 10 жылға дейін бас бостандығынан айырылуы мүмкін.
