«Қолхат алынды»: Бас прокуратура Самат Әбіштің қазір қайда екенін айтты
Самат Әбіш Қазақстанда, ешқайда кетпеу туралы қолхат алынған.
Ұлттық қауіпсіздік комитеті төрағасының бірінші орынбасары болған Самат Әбіштің қайда екені белгілі болды, деп хабарлады turkystan.kz.
«Самат Әбіш Қазақстанда, ешқайда кетпеу туралы қолхат алынды. Тергеу амалдары жүргізіліп жатыр», - деп хабарлады Бас прокуратураның баспасөз қызметі.
Еске салсақ, мұның алдында Бас прокуратураның арнайы прокурорлары Ұлттық қауіпсіздік комитеті төрағасының бұрынғы бірінші орынбасары Самат Әбішке қатысты Қаңтар оқиғасы кезінде билік пен лауазымдық өкілеттерін асыра пайдалану фактісі бойынша сотқа дейінгі тергеу жүргізіп жатқанын хабарлады.
Оның алдында Алматыда өтіп жатқан Қаңтар оқиғасына қатысты сотта ҰҚК-ның бұрынғы қызметкері Руслан Ысқақов шулы мәлімдеме жасады.
Сотталушының айтуынша, Қаңтар оқиғасы кезінде ол Ұлттық қауіпсіздік комитеті басшысының бірінші орынбасары қызметін атқарған Самат Әбіштің бұйрығын орындаған. Руслан Ысқақов бұл кезде ҰҚК 5-департаментінің бастығы болды.
