Елімізде 10 748 адам іздестіріліп жатыр

Бас прокуратураның Құқықтық статистика және арнайы есепке алу жөніндегі комитетінің деректері бойынша, қазір 10 748 адам іздестіріліп жатыр, олардың 2 176-сы хабар-ошарсыз жоғалғандар, деп хабарлады turkystan.kz. Жоғалған адамдардың көп бөлігі:

• Алматы қаласы - 287;
• Қарағанды облысы - 221;
• Павлодар облысы - 170;
• Алматы облысы - 167 тіркелген.

Көбіне 30-дан 49 жас аралығындағы ер адамдар әртүрлі жағдайларда жоғалған (77%).

• Үйден кетіп, оралмаған - 1 634 адам,
• Автокөлікпен жоғалған - 74,
• Жұмыстан шығып кеткен - 36.
• Сондай-ақ, елде тергеу мен соттан жасырынған 2 372 адам іздестіріліп жатыр.

Іздеуде жүргендер негізінен – 31 мен 40 жас аралығындағы ер адамдар (89%). Олардың ең көп саны алаяқтық (510), ұрлық (318) және кісі өлтіру (146) дерегі бойынша:

• Алматы қаласында (514)
• Астана қаласында (185)
• Шымкент қаласында (155)
• Алматы (143)
• Қарағанды (140) облыстарында іздестіріліп жатыр.

«Қазақстанда іздестіруді ішкі істер органдары, экономикалық тергеу қызметі және сыбайлас жемқорлыққа қарсы қызмет жүзеге асыратынын еске саламыз», - делінген хабарламада.