Қазақстан жастар құрамасы мен «Энергетик-БМУ» клубының жартылай қорғаушысы Әбинұр Нұрымбет Беларусь жоғарғы лигасында әдемі голдың авторы атанды. 20-турдағы матчта ол солигорлық «Шахтер» командасының қақпасына гол соқты, деп хабарлады turkystan.kz Vesti.kz-ке сілтеме жасап. Нұрымбет алаңға негізгі құрамда түсіп, 90 минут бойы ойнады. Оның командасы үзілісте артта келе жатқанымен, екінші таймның басында-ақ қазақстандық ойыншы алыстан соққы жасады. Алайда қонақтардың одан арғы талпынысы нәтиже бермеді, өйткені «Шахтер» 3:2 есебімен жеңіске жетті. 18 жастағы Әбинұр үшін бұл - осы команда сапындағы үшінші кездесу. Соңғы турда ол нәтижелі пас берсе, енді Беларусь чемпионатындағы дебюттік голын соқты. Нұрымбет бұған дейін «Тараз» және жезқазғандық «Ұлытау» жастар құрамасында өнер көрсеткен. Жазға дейін Қазақстан екінші лигасының тоғыз матчында 4+2 ұпай жинап, одан кейін «Энергетик-БГУ» командасына ауысты. Спортшы Қазақстанның 17, 18 және 19 жасқа дейінгі жастар құрамаларында түрлі матчтарға қатысқан.