Жол картасының аясында 55 инвестициялық жоба жүзеге асып жатыр

AMANAT» партиясы Ақмола облыстық филиалының атқарушы хатшысы Берген Беспалинов журналистерге берген сұхбатында биылғы жылы Сайлауалды бағдарламаны орындау бойынша Жол картасының аясында 55 инвестициялық жоба жүзеге асып жатқанын хабарлады. Оның ішінде 46 ет фермасы, 3 сүт тауар фер­масы, 3 өсімдік шаруашылығында және қайта өндіру саласында 3 жоба қолға алынған. 3 ауысымды мектепті жою үшін облыс бойынша 2 мек­теп (Қосшы қаласында – 1200 орындық, Жібек жолы ауы­лында – 1300 орындық) са­лы­нады. Сонымен қатар «Жайлы мектеп» Ұлттық жобасы ая­сында 5 мектеп және 2 қо­сым­ша ғимараттың салынуы жос­пар­ланған. 22 мектепке, 1 мә­де­ниет үйіне, 1 спорт ныса­ны­на күрделі жөндеу жүргізілмек. Целиноград ауданы Ақ­мол ауылында аудандық ауру­хана салына басталды. Жыл аяғына дейін тағы 3 денсаулық сақтау нысаны салынады деп жоспарланған. Жол картасы аясында биылғы жылы 600 мың шаршы метр баспана салынса, 200 шақырым жол жөнделеді. 100 шақырым су құбыры, 130 шақырым электр желісі мен 10 шақырым жылу құбыры да жөндеуден өт­пек. Берген Маратұлы Жол картасының орындалуы партияның қатаң на­зарында екенін атап өтті. Сайлау қорытындысы бойынша Ақмола облысында 265 депутаттық орынның 209-ын партия жеңіп алды. Бұл барлық деңгейдегі мәслихат депутаттарының 78,9 пайызды құрайды. Облыста отыз бес партиялық бақылау бекеті ашылды, оған алпыс екі белсенді партия мүшелері кіреді. Жұмыс істеп тұрған 35 посттың 17-і өз қызметін аяқтап үлгерді, 18-і жұ­мыс­та. Азық-түлік, жанар-жағармай мен дәрі-дәрмектің де бағасы партия­лықтардың назарында. 19 наурыздан бері мониторингтік топтар 400-ден астам халық тұтынатын тауар бағасына бақылау жүргізген. «Ауыл аманаты» жобасы бойынша 1,2 млрд. теңге бөлінген. Шілде айынан бастап «СПК «KOKSHE» арқылы жүзеге аса бастайды. «Жер аманаты» жобасы аясында өңірімізде 302 мың гектар пайдаланылмаған жер қайтарылды. 2023 жы­лы 200 мың гектар жер қайтарылмақ. Партияның қоғамдық қабылдауына ке­ліп түскен 1 157 өтініштің 52 пайызы оң шешімін тапса, қалғаны шешілу үстінде. Атқарушы хатшы өңіріміздегі барлық мәселе Жол картасына кіріп, партия басшылығы мен фракция депутаттарының тікелей бақылауында екенін айтып өтті.