Қазақстандық былғары қолғап шебері Қамшыбек Қоңқабаев Болгарияда өткен «Страндж» турнирінде Баходир Жалоловқа қарсы жекпе-жекке шығудан бас тартқаннан кейін жанкүйерлер боксшымызды сынның астына алған болатын. Ұзақ уақыттан кейін отандасымыз спорт журналисі Аслан Қаженовтің сұрағына жауап беріп, байырғы қарсыласы жөнінде пікір білдірді, - деп хабарлады turkystan.kz.
«Жанкүйерлерді түсінемін. Болгарияда қызықты жекпе-жек көргісі келді. Сондықтан менің атыма айтылып жатқан барлық сынды дұрыс қабылдадым. Бұған дейін Жалоловпен шаршы алаңда 7 рет жолықтық. Әзірше таразы басы соның пайдасында. Бірақ есе қайтаратын күн туады», - деді Қамшыбек Қоңқабаев.
