Шымкенттік аналар бір реттік әлеуметтік төлем алды

Шымкенттік көпбалалы аналарға Халықаралық әйелдер күніне орай бір реттік төлем тағайындалды деп хабарлады turkystan.kz қала әкімдігінің баспасөз қызметіне сілтеме жасап. Қаржылай көмек алтыдан жоғары бала тәрбиелеп отырған әйелдерге берілді. Шымкент қаласы мәслихатының шешіміне сәйкеc, Шымкент қаласының Жұмыспен қамту және әлеуметтік қорғау басқармасы тарапынан жыл сайын көпбалалы аналарға жергілікті бюджет есебінен мереке күндерге орай бір реттік әлеуметтік көмек төленеді. Бүгінде қалада көпбалалы аналар саны – 57 488, оның ішінде «Алтын алқа», «Күміс алқа» белгілерімен, «Батыр ана» атағын алған, сондай-ақ, I және II дәрежелі «Ана даңқы» ордендерімен марапатталған – 11 673 анаға 17 250 теңгеден төленеді.

Серіктес жаңалықтары