Қытайда карантин талаптары жеңілдетілді

Қытайда енді коронавирус инфекциясын жұқтырғандар үйден емделе алады. Сонымен қатар науқастардың медициналық мекеменің көмегіне жүгінуіне жағдай жасалған, деп хабарлады turkystan.kz. COVID-19-ға диагностика жасау және емдеу хаттамасының жаңартылған нұсқасына сілтеме жасаған «Синьхуа» агенттігінің хабарлауынша, Қытайда COVID-19-ға шалдыққандарды карантин орталықтарында оқшаулау алынып тасталды. Бұған дейін Қытай билігі коронавирусты мүлдем таратпау саясатын жүргізіп, ҚХР-дің барлық әкімшілік-аймақтық мекемелерінде коронавирус инфекциясын жұқтырған адамдарға арнап карантин орталықтарын салды. Енді науқастарға ауруханадан шыққанда коронавирустың бар-жоғын анықтайтын ПТР-тесттің теріс нәтижесі қажет емес. COVID-19-ға диагностика жасау және емдеудің жаңа хаттамасында ауру бұрын «жаңа коронавирус пандемиясы» болса, енді «жаңа коронавирус инфекциясы» болып өзгерген. Қытай ауруларды бақылау және алдын алу орталығының 2023 жылдың 6 қаңтарындағы дерегіне сәйкес, құрлықтық ҚХР-да өткен тәулікте 10,6 мың адам коронавирусқа шалдыққан. Airfinity британдық компаниясының зерттеуі бойынша, COVID-тен тәулігіне 9 мың адамға дейін қайтыс болған. Пандемия басталғалы Қытайда коронавирустан 5 267 адам қайтыс болды.