«URKER-2022» Ұлттық сыйлығының жеңімпаздары анықталды
«URKER-2022» Ұлттық сыйлығының жеңімпаздары анықталды
28 қазан Астанада баспа, радио, интернет-журналистика саласындағы «URKER-2022» Ұлттық сыйлығының жеңімпаздарын марапаттау рәсімі өтті деп хабарлады turkystan.kz.
Сыйлық алуға 500-ден астам өтінім келіп түсті. Материалдар 10 номинация және 3 арнайы сыйлық бойынша таңдалды. Құрамына беделді журналистер, медиа менеджерлер және халықаралық медиаэксперттер енген қазылар алқасы үздік жұмыстарды анықтады.
52 үміткердің ішінен «URKER-2022» Ұлттық сыйлығының жеңімпаздары:
Жылдың үздік сұхбаты:
Ая Өміртай – Halyq-uni.kz
Жылдың үздік репортажы:
Анар Қоныс – Aikyn.kz
Әлеуметтік тақырыптағы үздік материалы:
Наима Нұрәлі – Halyq-uni.kz
Жылдың үздік журналистік зерттеуі:
Қазбек Құттымұратұлы - «Egemen Qazaqstan» республикалық газеті
Жылдың үздік аналитикалық материалы:
Валентина Қозыбақова – «Маңғыстау» газеті
Халықаралық тақырыптағы үздік материалы:
Сауле Исабаева – Qmonitor.kz
Жылдың үздік жаңалықтар порталы:
Zakon.kz
Радиостанциядағы үздік жоба:
«Ой – түйін» – Qazaq radiosy
Жылдың үздік фотосуреті:
Мейірбек Тажкуранов – Zakon.kz
Үздік өңірлік БАҚ:
«Saryarqa samaly» газеті
Батыр Қазыбаев атындағы арнайы премия:
Әйгерім Бегімбет – Еrnur.kz
Ахмет Байтұрсынов атындағы арнайы премия:
«Қырғыз әдебиеті» жобасы – «Таң-Шолпан»журналы
Шерхан Мұртаза атындағы арнайы премия:
Қали Сәрсенбай – «Ана тілі» газеті
Әр номинацияның үздік өкіліне жеңімпаз атағы беріліп, «URKER - 2022» естелік мүсіншесі және 1 000 000 теңге мөлшеріндегі ақшалай сый табысталады.
2017 жылдан бастап барлығы 3377 жұмыс сыйлық алуға келіп түсті, оның 300-і шорт-парағына енді. «URKER» ескерткіш мүсіншесінің иегерлері 80 үздік атанды.
«URKER» - баспа, радио, интернет-журналистика саласындағы үздік жетістіктер үшін беріледі, аймақтардағы мультимедиялық журналистиканы дамытуға ықпал етуге, журналистика мәртебесін арттыруға, кәсіби стандарттар мен критерийлерді бекітуге, азаматтық белсенділікті арттыруға бағытталған.
Ұлттық бәйгені ұйымдастырушылар - ҚР Ақпарат және қоғамдық даму министрлігі және «Медиа дамыту қоры» корпоративтік қоры.
Іс-шараның демеушілері – «Қазақстан» РТРК» АҚ және «Хабар» Агенттігі» АҚ.
