Жәнібек Әлімханұлы алдағы жекпе-жегіне көзілдірік киіп келуге шақырды

Қазақстандық кәсіпқой боксшы Жәнібек Әлімханұлы Twitter-дегі парақшасында келесі жекпе-жегінің уақытын жариялады деп хабарлады turkystan.kz.

«Қараша айында жаңа чемпионмен танысасыздар. Тамашалауға қара көзілдірікпен келіңіздер. Өйткені мен рингте жарқыраймын! Біз Америкадамыз. Ал айқас қарашада Лас-Вегас қаласында өтеді. Қарсыласым кім екенін білмеймін. Бірақ мен оны қатты ұрып-соқпаймын. Тек нокаутқа түсіремін. Өйткені мен орта салмақтың үздігімін»деп жазды ол.

Айта кетейік, жуырда қазақстандық боксшы орта салмақта WBO әлем чемпионы атанды. Дүниежүзілік бокс ұйымы (WBO) ресми қаулы шығарды, онда қазақстандық боксшы Жәнібек Әлімханұлы орта салмақтағы WBO толыққанды әлем чемпионы деп жарияланған. Қазақстан Президенті де Жәнібек Әлімханұлын құттықтаған болатын.  

Серіктес жаңалықтары