Полицей өзінен көмек сұраған 13 жастағы қызды зорлаған

Үндістанда 13 жастағы қыз өзін бір топ жігіттің зорлағанын айтып, полиция бөлімшесіне көмек сұрауға барған. Алайда полиция қызметкері оған көмектесудің орнына зорлап тастаған деп хабарлады turkystan.kz stan.kz сайтына сілтеме жасап. Зорлық оқиғалары, оның ішінде, топтық зорлық-зомбылық - Үндістанда бұрыннан таныс жағдай. Соңғы мәліметтерге сәйкес, 2020 жылы, Үндістанда 28 379 әйел мен қыз зорланған (яғни, әр 18 минут сайын). Осы аптада Үндістанның солтүстігіндегі Уттар-Прадештегі оқиға туралы далит қоғамдастығындағы (үнділік касталар жүйесінің төменгі сатысы) жасөспірім өзінің зорлануына байланысты шағым түсіре алғаннан кейін белгілі болды. Ол шағымында 22 сәуірде төрт жігіттің көрші штатқа алып кетіп, жабылып зорлағанын айтқан. Ақырында бірнеше күннен кейін қашып құтылған. 27 сәуір күні қыз полиция бөлімшесіне зорланғанын айтып шағымдануға келгенде, полицей оны зорлап тастаған. Қашып кеткен күдікті сәрсенбі күні ұсталды. Оған балаларды жыныстық қылмыстардан қорғау туралы Заңға сәйкес айып тағылды. Сонымен бірге полиция зорлау кезінде полиция бөлімшесінің ғимаратында болған тағы төрт адамды және қыздың туысын ұстады. Тұтқындалғандардың арасында Уттар-Прадештегі Лалитпурдағы ауылдық полиция бөлімінің бастығы бар, деп хабарлады Мемлекеттік полиция өкілі. Болжамды шабуыл кезінде полицияда болған жиырма тоғыз лауазымды тұлға қызметтен шеттетілді.

«Кінәлі деп танылғандарға қатаң шаралар қабылданады. Зорлау оқиғасының құрбаны емдеу шаралары үшін аудандық ауруханаға жатқызылды», – деді Рейтерс агенттігіне берген сұхбатында полицияның аға офицері Прашант Кумар.

Бұл оқиға Үндістанның әлеуметтік желілерінде наразылық тудырды. Саясаткерлер мен белсенділер шұғыл шаралар қабылдауды және әйелдердің құқығын қорғауды талап етті.

«Егер полиция бөлімшелері әйелдер үшін қауіпті болса, онда олар қайда шағымданады? Үкімет  [Уттар-Прадеш] полиция бөлімшелерін әйелдер үшін қауіпсіз ету үшін әйел офицерлерінің санын көбейту туралы ойламады ма?» – деп жазды Конгресс оппозициялық партиясының аға мүшесі Приянка Ганди Вадра.

Үндістанның зорлау туралы Заңдары мен үкім шығару ережелері 2012 жылы желтоқсанда Нью-Делиде студенттік топтық зорлаудан кейін қайта қаралды. Кейін жәбірленуші шабуыл кезінде алған жарақаттарынан қайтыс болған еді. Оқиға бүкіл әлем бойынша талқыланып, Делиде жаппай наразылықтар тудырды. Үндістан жыныстық сипаттағы қылмыстармен күресу үшін жаңа қатаң заңдар енгізуге мәжбүр болды. Төрт адам 2020 жылы қылмыс жасағаны үшін кінәлі деп танылғаннан кейін өлім жазасына кесілді.  Тағы оқи отырыңыз: «Білгенін істеп келіпті»: Шымкентте әйелі күйеуін педофил деп айыптады

Серіктес жаңалықтары