نۇر-سۇلتاندا پويىز وتقا وراندى

نۇر-سۇلتاندا پويىز وتقا وراندى

قازىرگى ۋاقىتتا ماگيسترالدى جەلى ءبولىمىنىڭ كوميسسياسى تەكسەرىس جۇمىستارىن باستادى.

الەۋمەتتىك جەلىلەردە وتقا ورانعان  ۆيدەوسى تاراپ جاتىر. ۆيدەو نۇر-سۇلتاندا تۇسىرىلگەن.

توتەنشە جاعدايلار مينيسترلىگى ءباسپاسوز قىزمەتىنىڭ اقپاراتىنا سايكەس، 19 قاراشا ساعات تۇنگى 3.11-دە حابار تۇسكەن. كەمەڭگەر ۇلى، 9/8 مەكەنجايىندا «اقمولا ماگيسترالدى جەلى ءبولىمىنىڭ» №18-ءشى پويىزى ورتەنىپ جاتقانى ايتىلعان.

توتەنشە وقيعا ورنىنا جەكە قۇرامنىڭ 15 قىزمەتكەرى مەن 3 تەحنيكا جەتتى. №50 تەمىرجول جولىندا اۋماعى 50 شارشى مەتر بولاتىن قوسىمشا ۆاگون-رەستوران جانىپ جاتقانى انىقتالدى.

جالىن پلاتفورمادا تۇرعان №ت-330 تراكتورىنىڭ كابيناسىنا اۋىپ كەتتى.

ءورت ساعات 04.22-تە اۋىزدىقتالدى.

زارداپ شەككەندەر مەن قايتىس بولعاندار جوق. ءورتتىڭ سەبەبى انىقتالىپ جاتىر.

«جولدار مەن بايلانىس قۇرالدارىنا زاقىم كەلگەن جوق. پويىزدار ۋاقىتىلى قاتىناۋدا»، – دەدى «قتج» اق ءباسپاسوز قىزمەتى.

قازىرگى ۋاقىتتا ماگيسترالدى جەلى ءبولىمىنىڭ كوميسسياسى تەكسەرىس جۇرگىزە باستادى. وعان استانالىق توتەنشە جاعدايلار دەپارتامەنتىنىڭ قىزمەتكەرلەرى قاتىسادى.

ۇقساس جاڭالىقتار

Back to top button