Азаматтық алудағы қиындықтар талқыланды

Солтүстік Қазақстан облысындағы «Отандастар қоры» қандастарды қолдау орталығының сарапшылары Мамлют ауданына барып, көшіп келген қандастармен кездесті. Кездесуге Мамлют ауданының әкімі Руслан Әкімжанұлы да қатысты. Тарихи Отанына оралған қандастарымыздың әлеуметтік жағдайымен танысып, бүгінгі таңдағы басты өзекті мәселе – ҚР азаматтығын алудағы қиыншылықтар талқыланып, көкейлеріндегі сұрақтарға жауап алды. Сонымен қатар Жүсіп Өмірзақ есімді азаматқа Дүниежүзі қазақтары қауымдастығына мүшелік куәлік тапсырылды.