Президент: Басты міндет – әлеуметтік-экономикалық тұрақтылықты сақтап қалу

Президенті Қасым-Жомарт Тоқаев Қазақстан халқына Жолдауында қазіргі күрделі жағдайдағы басты міндет – әлеуметтік-экономикалық тұрақтылықты, жұмыс орындарын және халықтың табысын сақтап қалу екенін айтты. «Дағдарысқа қарсы жедел шаралардың екі топтамасы қабылданды. Уақытша табыссыз қалған 4,5 миллионнан астам азамат 42 500 теңге мөлшерінде көмек алды. Бұған 450 млрд теңгеден астам қаражат жұмсалды. Осындай жәрдем көршілес елдерде, басқа ірі мемлекеттерде берілген жоқ. Миллионннан астам азаматқа азық-түлік және тұрмыстық заттар қоржыны берілді. Елбасы «Нұр-Отан» партиясы Төрағасының бастамасымен 550 мыңнан астам отбасы «Біргеміз» қорының қолдауымен біржолғы қаржылай көмекке ие болды», – деді Мемлекет басшысы.

Серіктес жаңалықтары