226
2020 жылы қазақстандықтар қандай көлік брендтерін жиі сатып алғаны белгілі болды
2020 жылы қазақстандықтар қандай көлік брендтерін жиі сатып алғаны белгілі болды
2020 жылдың қаңтар-шілде айлары аралығында Қазақстанда ресми дилерлер 42 мыңнан астам жаңа көлік сатты. Бұл туралы «ҚазАвтоӨнеркәсіп» автокөлік саласындағы кәсіпорындар одағы хабарлады.
«Аталған кезеңде ресми дилерлер 42 372 көлікті сатты. Бұл бір жыл бұрынғы көрсеткіштен 13,6 пайызға жоғары. Биылғы жеті айда қазақстандықтар жаңа жеңіл көліктерді алуға 383,6 млрд теңге жұмсап, 2019 жылғы деңгейден 10 пайызға артық болды», - делінген таратылған мәліметте.
Көлік сатып алушы 29 462 адам (69,5 пайызы) отандық зауыттардың өніміне өз таңдауын жасаған. Сонымен қатар, биылғы 7 айда сатылған 12 910 автомобиль (30,5 пайызы) импортқа тиесілі болып отыр.
Аталған мерзімде елімізде сұранысы жоғары брендтердің арасында Lada (9717 көлік), Hyundai (8030), Toyota (5581 ), Ravon (5112 ) және KIA (3695) көліктері көш бастады. Мұнымен қоса, сатылымы жоғары болған ТОР-ондықта - Renault (1461 көлік), GAZ (1367), Nissan (1140), Volkswagen (1116) мен UAZ (975) бар.
