488
«Таза Қазақстан»: Алматының таулы аймақтарына рейд жүргізіліп жатыр
«Таза Қазақстан»: Алматының таулы аймақтарына рейд жүргізіліп жатыр
Алматыда республикалық «Таза Қазақстан» экологиялық акциясы өтіп жатыр. Мобильді топтың құрамына экологиялық полиция қызметкерлері, Медеу ауданы әкімінің жанындағы қоршаған ортаны қорғау және экология бөлімінің мамандары, экология департаменті және қоғам өкілдері кіреді.
«Мобильді топ «Таза Қазақстан» акциясы аясында «Бутаковка» шатқалына рейд жүргізді. Нәтижесінде қоқысты жағып жатқан Алматы қаласының тұрғыны анықталды. Ол өзінің заң бұзғанын бірден мойындады. Нәтижесінде, ҚР Әкімшілік құқық бұзушылық туралы кодексінің 505-бабы бойынша әкімшілік хаттама жасалды. Осы мүмкіндікті пайдалана отырып, біз азаматтарды табиғатты қорғауға және Қазақстан Республикасының экологиялық заңнамасын қатаң сақтауға шақырамын», – деді Медеу аудандық полиция басқармасы бастығының орынбасары Ұлан Әбілқайыр.
