Елордада коронавирусқа шалдыққандардың 67 пайызы емделіп шықты

Елордада карантин шаралары оң нәтиже беріп, пневмониямен ауруханаға түскендер саны 40,5 пайызға, коронавирус стационарларындағы науқастар саны 50,3 пайызға азайды. "Жедел жәрдем станциясына қоңыраулар саны екі еседен астам азайды – тәулігіне 2400-ден 1129-ға дейін (52,3%). Соның ішінде КВИ бойынша – күніне 350-ден 112-ге дейін. Карантинге дейін, коронавирустың ауыр дәрежесімені науқастар медицина мекемелеріне бірінен соң бірі түсіп жататын – дәрігерлер физикалық, моральдық тұрғыдан өте ауыр тиді. Денсаулық сақтау мамандары әр науқас үшін соңына дейін күресті. Қазір ауыр науқастар саны азайды. Екі күн бұрын дәрігерлеріміз өкпесі 100%, 90% қабынған науқастарды емдеп шығарды. Азаматтардан карантин алынып тасталғаннан кейін де инфекцияның алдын алу үшін санитария нормаларын қатаң сақтауды сұраймыз", – деді қалалық денсаулық сақтау басқармасы басшысының міндетін атқарушы Әлия Рүстемова. Қала әкімдігінің дерегінше, бүгінде коронавирустан емделіп шыққандар саны 67 пайызды құрайды. Індет жұқтырған 9494 науқастың 6607-і дертінен айықты. Айта кетейік, соңғы тәулікте елімізде 1494 адамнан коронавирус анықталып, республика бойынша індетке шалдыққандардың жалпы саны 81 мыңнан асты. 51 823 адам емделіп шықты. 585 науқас көз жұмды.

Серіктес жаңалықтары