COVID-19: Елорданың бас дәрігері қала тұрғындарына үндеу жасады (видео)

Елорданың қоғамдық денсаулық сақтау басқармасының басшысы Сәуле Қисықова күрделі эпидемиологиялық ахуалға байланысты қала тұрғындарына бейнеүндеу жолдады. "Құрметті қала тұрғындары! Коронавирусты анықтау және оны емдеу үшін жоғары білікті медициналық кадрлар қажет, ал оларды даярлауға жылдар кетеді. Инфекциялық төсек-орындардың санын көбейте беруге болады, бірақ кейін дәрігерлер мен медбикелер жетіспейтін сәт туады. Сол себепті, кеш болмай тұрғанда, барлығын өзінің және өзгелердің денсаулығына деген көзқарасын өзгертуге шақырамын", - деді қалалық басқарма басшысы. Бұған дейін елордада пневмонияға шағымданатындар саны 7,5 есеге артқаны хабарланған еді. Ауруханаға коронавируспен түскен пациенттердің 92%-ында пневмония анықталған.  

Серіктес жаңалықтары