Сәрсенбі, 30 Қараша, 2022

Шығыс Қазақстан облысында 14 адам карантинде жатыр

Бұл туралы Шығыс Қазақстан облысы Денсаулық сақтау басқармасының басшысы Ілияс Мұхамеджан мәлім етті.

«Өңірде 20 ақпаннан бастап 1А санатындағы елдерден келген 79 адам карантиндік стационарға жатқызылған. Бүгінде оның 65-і шығарылды. Яғни, қазір карантинде 14 адам қалды. Олардың арасында Қытайдан, Италиядан, Германиядан және Оңтүстік Кореядан келгендер бар. Үйде 8 адам оқшауланған», – дейді ол.

Басқарма басшысының айтуынша, Шығыс Қазақстанда бірде-бір коронавирус жұқтыру фактісі тіркелмеген.

Естеріңізге сала кетсек, осыған дейін ШҚО-да күніне 100 мың дана медициналық маска шығарылатыны хабарланған.

Байқау айқын
Байқау айқын

Ұқсас жаңалықтар

Back to top button