Жексенбі, 4 Желтоқсан, 2022

Кәмпит ішіне есірткі жасырған

Павлодар облыстық қылмыстық-атқару жүйесі департаментіне қарасты АП-162/1 мекемесінің қызметкерлері мекеме аумағына тыйым салынған заттың кіргізілуіне жол берген жоқ. Бұл жайында аталмыш департаменттен мәлім етті, – деп жазды ҚазАқпарат.

Түрмеде жазасын өтеп жатқан адамға әкелінген азық-түлікті тексеріп қарау барысында карамельді кәмпиттің ішіннен түйіншек шыққан. Павлодар қалалық полиция басқармасы оңтүстік бөлімінің жедел тергеу тобы шақырылған. Табылған түйіншек сараптамаға алынған.

«Сараптама қорытындысына сәйкес кәмпиттен табылған зат психотропты болып шықты. Ерекше сәлемдеме қарақшылық жасап, адам тонаған сотталушыға келген. Кәмпитті алып келген танысы да заңнамаға сәйкес жауапкершілікке тартылады», – деп атап өтеді ведомстводан.

Байқау айқын
Байқау айқын

Ұқсас жаңалықтар

Back to top button