Жылдың үздік нокауты – Арман Оспанов жеңімпаз атанды (видео)

Ресейлік Absolute Championship Akhmat промоушені 2019 жылдың үздіктерін атады, – деп хабарлайды ұйымның ресми сайты. Жылдың үздік нокауты номинациясында қазақстандық Арман Оспанов жеңіске жетті. 27 сәуірде Мәскеуде АСА 95 турнирінде Оспанов германиялық Лом-Али Эскиевті екінші раундта нокаутқа түсірген. Қазақстандықтың тіземен жасаған соққысы ұйымның үздік нокауты атанды. Ресейлік спортшылар Марат Балаев пен Салман Жамалдиевтің кездесуі АСА-ның үздік жекпе-жегі деп танылды. Хусейн Шайхаевтың қазақстандық Ержан Естановқа жасаған әдісі жылдың үздік сабмишені атанды. Әр номинацияның жеңімпазы үш өлшем бойынша анықталды: жанкүйерлер, сарапшылар мен лига басшыларының дауыс беруі. Жыл үздігі атанған жеңімпаздарға 10 мың доллар (3 миллион 832 мың теңге) көлемінде сыйлық беріледі. https://www.youtube.com/watch?v=eBhvl_uyw5k&feature=emb_logo

Серіктес жаңалықтары