Нұрлан Ноғаев — Энергетика министрі

Ақорданың баспасөз қызметі Н.А. Ноғаевты Қазақстан Республикасының Энергетика министрі қызметіне тағайындау туралы Жарлығын жариялады.

«Нұрлан Асқарұлы Ноғаев Қазақстан Республикасының Энергетика министрі болып тағайындалсын, ол Атырау облысының әкімі қызметінен босатылсын»,-делінген құжатта.

Қазақстан Республикасының Президенті Қ.Тоқаев

Нұр-Сұлтан, Ақорда, 2019 жылғы 18 желтоқсан

№ 218

Ноғаев Нұрлан Асқарұлы 1967 жылы туған. Білімі жоғары, И.Губкин атындағы Мәскеу мемлекеттік мұнай және газ академиясын, Қазақ мемлекеттік басқару академиясын, Ресей Сыртқы істер министрлігі жанындағы «Халықаралық қатынастар университеті» Мәскеу мемлекеттік институтын тау-кен инженері, экономист, халықаралық қатынастар маманы, әкімшілік іскерлік жөніндегі шебер мамандықтары бойынша бітіріп шыққан. Еңбек жолын Ақтөбе облысы, Қандыағаш станциясында электр шебері болып бастаған.

1993–1995 ж.ж. — Мәскеу қаласындағы «Гили–Паскер» ЖШС-де мұнай өнімдері жөніндегі аға сарапшы, бөлім бастығы, бас директор.

1995–1996 ж.ж. — Алматы қаласындағы «Отрар Лтд» шағын кәсіпорны бас директорының орынбасары.

1996–2006 ж.ж. — «Қазақтүрікмұнай» ЖШС-де инженер, бас директор. 2006 жылдың ақпан айынан тамыз айына дейін — «ҚазМұнайГаз Ұлттық компаниясы» АҚ-ның атқарушы директоры.

2006 жылдың тамыз айынан ҚР Энергетика және минералды ресурстар министрлігі мұнай өнеркәсібі департаментінің директоры болып істеген. 2007 жылдың қыркүйегінен

2010 жылдың сәуір айына дейін — Батыс Қазақстан облысы әкімінің орынбасары.

2010 жылдың сәуір айынан 2012 жылдың қаңтарына дейін облыс әкімінің бірінші орынбасары.

2012 жылдың 20 қаңтарында Мемлекет Басшысының Жарлығымен Батыс Қазақстан облысының әкімі болып тағайындалды.

2016 жылдың 26 наурызынан Атырау облысының әкімі.

2010 жылы «Құрмет» орденімен марапатталған.

 

Back to top button