قارتتار كۇنى قارساڭىنداعى قايىرىمدىلىق

بۇل كۇنى ەگدە جاستاعىلارعا، مۇگەدەكتەرگە، جالعىز باستى زەينەتكەرلەرگە كوڭىل ءبولىنىپ، ماتەريالدىق، الەۋمەتتىك-تۇرمىستىق جانە ت.ب كومەكتەر كورسەتىلەدى.

«قارتتار – ءبىزدىڭ اسىل قازىنامىز». ورتادا جۇرگەن قاريالارىمىزدىڭ ءبىر كەزدە ەلى، حالقى، كەلەشەك ۇرپاعى ءۇشىن جاساعان يگى ىستەرى ەرەكشە ورىن الادى. قازىرگى كەزدە  قارتتارعا ۇلكەن ءمان بەرىپ، كوڭىل اۋدارىپ، جان- جاقتى  قامقورلىق جاسالۋدا. قازاقستاننىڭ ءوسىپ- وركەندەۋىنە، ەلىمىزدىڭ بەيبىتشىلىك تىنىش ءومىر كەشۋىنە ءوز ۇلەستەرىن قوسقان وسى ارداقتى، اياۋلى قارتتارىمىزدىڭ ارقاسى.

ۇلكەنگە قۇرمەت كىشىگە ىزەت كورسەتۋ ادامشىلىقتىڭ ەڭ جوعارعى  قاسيەتتەرىنىڭ ءبىرى بولىپ سانالادى. قاي حالىقتىڭ  بولماسىن تۇپكى تامىرىندا  ۇلكەندى سىيلاپ، قۇرمەت كورسەتۋ تەرەڭدە جاتىر دەسەك، سول ءبىر ۇلكەندى قۇرمەتتەۋ قاسيەتى  «ارىستان» مامانداندىرىلعان ليتسەيىندە جىل سايىنعى داستۇرگە اينالعان دەپ ايتساق ارتىق ايتقان بولماسپىز.

قامقورلىق اكتسياسىن تالعار قالاسىنىڭ بەسقاينار  اۋىلىندا  تۇرىپ جاتقان قارتتاردى مەرەسىمەن قۇتىقتاۋدان باستادى. «ارىستان» مامانداندىرىلعان ليتسەيى 9 سىنىپ روتا كومانديرى –پولكوۆنيك تالدىباەۆ اباي قىرعىزباەۆيچتىڭ باسشىلىعىمەن  جانە روتا پسيحولوگى –شارداربەكوۆا دينارا بەلجىگىتوۆنا جانە اتا-انالار كوميتەتى، ءبىر توپ ليتسەيستەر قايىرىمدىلىق اكتسياسىن ورىنداۋدا بىرنەشە  جانۇيانى قامقورلىقتارىنا الىپ، جالعىزباستى جانە از قامتىلعان جانۇيالار، مۇگەدەكتەر جانە قارت كىسىلەردىڭ  ۇيلەرىنە بارىپ، قارتتار كۇنىمەن قۇتتىقتادى.

ليتسەيستەر قارتتاردىڭ كوڭىلىن كوتەرىپ، تىلەكتەرىن ايتىپ، ءبىرى ولەڭىن وقىسا، ءبىرى دومبىراسىن كۇمبىرلەتىپ، ەكىنشىسى گيتاراسىمەن ءانىن شىرقادى جانە ازىن-اۋلاق سىيلىقتارىن سىيلادى. ليتسەيستەر – قارتتارعا وسكەلەڭ ۇرپاق ءۇشىن جاساعان  يگى ىستەرى مەن  پايىم-پاراساتتىلىق ۇلگىسىن تانىتقانى  ءۇشىن العىستارىن ءبىلدىردى. قارتتار دا ءوز ريزاشىلىقتارىن ءبىلدىرىپ، اق باتالارىن بەرىپ شىعارىپ سالدى.

قارت كىسىنى قۇت-بەرەكە دەپ تانىساق-ول ۇرپاق كورەگەندىگى دەگەن وسى ەمەس پە؟

اكىلاەۆا باكىت چاپايوۆنا

ۇقساس جاڭالىقتار

Back to top button