"Томирис" фильміне қанша қаржы жұмсалды?

"Томирис" фильміне қанша қаржы жұмсалды?

"Томирис" фильміне қанша қаржы жұмсалды?
ашық дереккөзі

Белгілі режиссер Ақан Сатаевтың жетекшілігімен түсірілген «Томирис» фильміне қанша қаражат жұмсалды? Бұл сауалға ОКҚ-да өткен баспасөз мәслихатында «Қазақфильм» АҚ президенті Арман Әсенов жауап берді. 

«Аталған фильмнің түсіріліміне 10 млн доллардан аз ақша жұмсалды. «Қазақ хандығы телехикаясы мен басқа да туындылардың бюджеті дәл осындай. Көшпенділер – «Қазақфильм» бюджетінде ең қымбат болды. Оған шетелден актерлер тартылған болатын. Шетелден өз ісінің маманын шақыру – кино бюджетіне қатты әсер етеді. «Қазақ хандығы: Алмас қылыш» және «Қазақ хандығы: Алтын тақ» фильмін шығарған кезде бізге «Шыңғысханның» 38 сериалын түсірген Батыр атты режиссерді шақырдық. Ол кеңесші ретінде жұмыс істегеннен кейін бұл фильмнің жарыққа шығуына 50-100 млн доллар керегін айтты. Алайда оның қалауы біздің «оң жамбасқа келмей», қош айтысып, «Қазақ хандығын» 10 млн долларға түсірдік. Ал «Томириске» шамамен 3 млрд теңге жұмсалды», - деді «Қазақфильм» АҚ президенті. Өз кезегінде Мәдениет және спорт вице-министрі Нұрғиса Дәуешов фильм бюджетін нақтылай түсіп, 2 млрд 259 млн теңге жұмсалғанын айтты.