918
Айырбастау операцияларын ұйымдастыру «Атамекен» аланында қаралмақ
Айырбастау операцияларын ұйымдастыру «Атамекен» аланында қаралмақ
Қазақстанда қолма-қол шетелдік валютамен жүргізілетін айырбастау операцияларды ұйымдастыру мәселесі «Атамекен» аланында қаралмақ.
Енді айырбастау пінктерінде кез келген соманы айырбастау кезінде клиенттер жеке куәлік деректері, ЖСН және тұрғылықты жер туралы деректерді берулері шарт (бүгінде аталған талап 500 мың теңгеден астам мәмілелер үшін қолданылады). Айырбастау пунктерінің жұмыс істеу уақыты 10:00-ден 19:00-ге дейін өзгерілмек.
Жоғарыда аталған өзгерістер шағын және орта бизнестің көптеген субъектілерінің мүдделлеріне әсер ететіндіктен «Атамекен» осы өзгерістерге қатысты пікірлер, ескертулер мен ұсыныстарды ашық жинау жүргізілетіні туралы хабарлайды.
6 тамызда «Атамекен» ҚР Ұлттық кәсіпкерлер палатасына «Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы» Қазақстан Республикасы Ұлттық Банкі Басқармасының 2019 жылғы 4 сәуірдегі № 49 қаулысына өзгерістер мен толықтырулар енгізу туралы» ҚР Ұлттық Банкі Басқармасы қаулысының жобасы (ары қарай – Жоба) келіп түсті.
Жоба келесі түзетулерді көздейді:
- Уәкілетті ұйымдарға (айырбастау пунктері) жарғылық капиталды 100 000 000 теңгеге дейін ұлғайтуы керек. Қолданыстағы редакцияға сәйкес республикалық маңызы бар қалалардағы айырбастау пунктері үшін 30 млн теңге, қалалық айырбас пінктері үшін – 20 млн теңге және өңірлік айырбастау пунктері үшін 10 млн теңгеге дейін ұлғайту міндеттеледі.
- Айырбастау пунктері өздерінің банк шоттарында теңгеде немесе шетелдік валютада жарғылық капитал (қосымша қор) сомасынан 20% мөлшерде ақшаның болуын қамтамасыз етуі керек.
- Кез келген соманы айырбастау кезінде клиенттер жеке куәлік деректері, ЖСН және тұрғылықты жер туралы деректерді берулері шарт (бүгінде аталған талап 500 мың теңгеден астам мәмілелер үшін қолданылады).
- Айырбастау пунктерінің жұмыс істеу уақыты 10:00-ден 19:00-ге дейін өзгеруі. Қазіргі таңда айырбастау пунктінің жұмыс істеу уақытын иесі өзі белгілейді.
