Айырылыс қазаны жайлы не білеміз?

Сан ғасырлық тарихымызда ата-бабаларымыздың ұстанған салт-дәстүр, ырым-тыйым, жөн-жоралғылары қаншама. Олардың ішінде біразы қазіргі таңда қолданылатын болса, аса көп бөлігі ұмыт болған. Сондай әдет-ғұрыптардың бір түрі – айырылыс қазаны. Айырылыс қазаны салтын ертеректе ауылдың бір тұрғыны басқа бір алыс жаққа көшіп кетерде ағайын-туғандарымен, көрші-қолаңдарымен қоштасу кезінде ұстанатын болған. Яғни, үй иесі кетер алдын айналасындағыларын жинап, айырылыс қазаны деп аталатын ас берген. Сол заманда ауылдастарына айтпай, үн-түнсіз көшіп кету көргенсіздік, тәрбиесіздік болып саналатын. Көшіп бара жатқан жақ өздерінің туған-туыстарына, құрметті ауылдастарына көзіміздей көріп жүріңдер деп, естелік сыйлықтар қалдыратын. Ал ауылдастары өз кезегінде ризашылығын білдіріп, көш көлікті, барған жердегі қоныстарың құтты болсын айтысып, ақсақалдар ақ баталарын берісетін.  

Рысбек АРАПХАНҰЛЫ

Серіктес жаңалықтары