17 Сәуір 2019, 10:38 728 0 Спорт Túrkistan Gazeti

Головкиннің кезекті қарсыласы белгілі болды

17 cәуір – «TÚRKISTAN» weekly. Орта салмақтағы бұрынғы әлем чемпионы Геннадий Головкин (38-1-1, 34 КО) маусымда рингке оралады.

Ол 8 маусымда Нью-Йоркте (АҚШ) Madison Square Garden аренасында 35 жастағы канадалық боксшы Стив Роллспен (19-0, 10 КО) кездеседі.

Бұл туралы Туиттерде Yahoo! Sports журналисі Крис Мэнникс жазды. Ол DAZN стримингтік платформасында - Головкиннің жаңа серіктесінде жұмыс істейді.

Еске салайық, Геннадий соңғы жекпе-жегін 2018 жылдың 15 қыркүйегінде өткізді. Ол төрешілердің басым көпшілігінің шешімімен мексикалық Сауль Альварестен (51-1-2, 34 КО) жеңіліп қалды.

Роллс соңғы рет 15 желтоқсанда рингке шығып, төрешілердің шешімімен америкалық Кеандр Лезервудты (21-6-1, 13 КО) жеңген еді.

 

Соңғы жаңалықтар